FAI

O pasado día 18 fomos convidados a participar na primeira edición do FAI, Foro de Artes Inclusivas, celebrado en Ferrol, no imponente centro cultural Torrente Ballester, co apoio do Concello de Ferrol, a Deputación da Coruña, e organizado pola boa man de Culturactiva, que destas cousas saben o seu 🙂

Aínda que nos tería gustado poder participar nos dous días, finalmente so tivemos a posibilidade de achegarnos para a mesa do venres, na que, por outra banda, xurdiu un animado coloquio coas persoas participantes na mesa, que quedaba composta así:

• • Victor Duplá – actor, director e formador teatral
  • Víctor Fuggeto – Proxectos de Música e diversidade no Centro San Xarome
  • Felipe Caxoto e Gema Santos – Narración con LSE
  • Iago González – Proxecto Máscaras
  • José Manuel González León – Poten100mons e Plataforma Diversidade
  • Jimena Maguna – Chungo Pastel

Se algo tivemos claro no desenvolvemento do acto, foi que no día previo o nivel das xornadas quedara moi alto, e foi gratificante asistir a un enfoque no que todas as participantes fomos quen de discutir e obxectar con respecto ao que debe e non debe ser o acto de crear, do perigo de idealizar cando logo tes que preocuparte de realizar, e en xeral de ter os pes na terra para poder adaptarte ás capacidades que teñen que ver nos procesos, diversas dende todos os puntos de vista.