Contra el diagnóstico

APM 6 Novembro 2022

As persoas rompen…

Esta é unha das ideas que quedaron claras durante a presentación que fixeron en setembro do libro “Contra el Diagnóstico, desmontando la enfermedad mental”, e na que participou o propio autor, Marcos Obregón, con dúas acompañantes, Paula Tomé e Jordi Relaño.

Unha serie de condicionantes fixeron da saúde mental no momento actual un tema de interese, pero o principal debera ser o recoñecemento de que chegamos tarde a unha cuestión que durante décadas construíu unha cidadanía mal formada, cando non malformada. Unha situación prexuizosa, na que o activismo en moitos momentos tivo, ou ten, que enfocar os seus esforzos en reclamar un trato humano.

Este é un dos eixos do discurso de Marcos no libro, pero tamén o é na charla a tres celebrada na libraría Berbiriana, na Coruña. Nese sentido, isto non ía ser unha simple presentación, non podía, posto que da confluencia de tres cabezas, e tres experiencias, era visto que xurdirían diferentes relatos na construción desas roturas.

O dialogo aberto, sincero e ameno das tres participantes é un engadido ao propio libro, posto que sitúa unha desas periferias que con tanta frecuencia xeramos sen darnos de conta: Non apareceu da nada un problema, senón que sempre estivo aí, e agora semella que hai que situalo na realidade que lle corresponde, a que leva moitos anos reclamando respecto e o trato obrigado nunha sociedade que asegura recoñecer os dereitos da cidadanía.

 

The following two tabs change content below.
La Asociación Proxecto Máscaras tiene como MISIÓN el desarrollo e impulso de proyectos que, tomando como base la potencia del audiovisual, fomenten la educación y la participación como medida para la innovación social, la ruptura de estereotipos sobre la normalidad y las capacidades de las personas, y la integración de la diversidad en el espacio público.
Comparte!

Deixa a tua réplica

O teu enderezo electrónico non se publicará Os campos obrigatorios están marcados con *

Podes usar etiquetas e atributos HTML

<a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>