Historias de cine: estrea de… “estártap”!
12 Decembro 2023
Onde nacen as historias?
As mellores historias…, ocorren no día a día.
Argumento (sen spoiler)
2020: A pandemia aterroriza ao mundo, baleira as rúas e enche o aire de lamentacións…
Pero a Txuso, agora farto de recibir chamadas de queixas e de dar ánimos tras décadas do seu obrigado illamento pola cadeira de rodas, ocórreselle unha idea emprendedora…
As redes redobran o seu protagonismo durante o confinamento e ponse de moda o metaverso: as inmobiliarias fan negocios, danse receitas de resiliencia e ate se inviste en avatares persoais con roupa de marca… E se en vez de por teléfono venden fórmulas e consellos dende a pantalla?
Convence a Xoán, e conseguen montar unha ESTÁRTAP, cun éxito inmediato que lles leva a moitas contratacións para atender ás colas virtuais en agarda de tratamento: “Isto vainos cambiar!”, “imos saír reforzados como sociedade!…
Pero chega a Nova Normalidade, e a xente tolea de festa en festa como se non houbera un mañá: Todo o mundo é feliz!
O pasado 15 de novembro estreouse no Teatro Colón da Coruña. Cheo total. E, ao final, todo o elenco de protagonistas no escenario recibindo os aplausos con orgullo, con emoción. Ademais de ser os protagonistas da película, estaban conquistando o espazo público.
Dos comos e porqués do director, da metodoloxía, da escasez de recursos e da xenerosidade das aportacións voluntarias falaremos outro día. Agora…, comeza a película!
A estrea foi difundida dentro da Campaña #BoasPracticasCidadás2023 en Spotify, gravada coa colaboración de voluntariado profesional da actriz Isabel Risco e financiada coa colaboración de Concello da Coruña.
Artigos relacionados
Estes son algúns artigos relacionados cos proxectos audiovisuais da Asociación Proxecto Máscaras:
De limóns e limonadas: Que pase 2024!
Diríase que os socios/protas de Estártap despediron o 2023 con algúns limóns, pero preguntámonos que lles anda na cabeza… 😉 Comparte!
Continúa lendo
Sabes debuxar unha árbore?
Incluso quen non recibimos o don para debuxar, somos capaces de trazar algunhas liñas que permitan identificar unha árbore. E, á vista dos resultados, dubido que a ninguén se lle ocorrera preguntar: todas son árbores? Uns gustarannos máis, outros menos. Algúns veranse mellor e outros quedaran camuflados polo contexto. Influirán as modas, as culturas, as […]
Continúa lendo
A cultura convirte a unha multitude nunha audiencia
TrasTornados é o título dun documental de creación, realizado co apoio da Deputación da Coruña. Un título polisémico que pódese referir: … á xente que se atopa tras un trastorno; … ou directamente aos trastornos, … ou quizais unha referencia aos cazadores de tormentas que perseguen accidentes climáticos para tratar de avanzar no seu coñecemento. […]
Continúa lendo