En curso: CVP

Trátase dun proxecto sociocultural que inclúe actividades vencelladas á creación, á cultura como proceso de investigación e  fomento da creatividade artística, Á difusión cultural e á sensibilización social.

Consiste nun documental inverso, é dicir, que vai reflectir a investigación como proceso para chegar ao punto final que se converte no xogo de palabras que compoñen o título:

Con Voz Propia

• Con: Denota o medio, modo ou instrumento que sirve para facer algo
• Voz: Poder, facultade, dereito para facer alguén, no seu nome, o conveniente
• Propia:
  • Que pertence de maneira exclusiva a alguén
  • Característico, peculiar de cada persoa ou cousa
  • Natural, non postizo nin artificial.

 Para a escaleta, utilízase como mecanismo o enfoque polisémico progresivo da palabra cultura:

• Acervo de sentimentos e feitos das comunidades
• Expresión a través das diferentes manifestacións artísticas
• Expresión dos contidos e o proceso a través das posibilidades artísticas do formato audiovisual

O proxecto comeza coa proposta ás entidades e persoas participantes a fin visualizar o interese e darlle forma para presentalo á convocatoria da Deputación.