Cando a cidadanía recoñece á cidadanía, algo especial sucede
29 Decembro 2025
Tempo de valor e Boas Prácticas, por que o fan?
Os Premios Boas Prácticas Cidadás nacen de aí: de mirar ao redor e agradecer a quen suma, coida e constrúe comunidade desde a ética, a solidariedade e a paixón.
Na IX edición, celebrada en setembro, xa son 54 as persoas recoñecidas polo seu labor social, cultural e humana. Persoas elixidas por quen recibiu o premio o ano anterior. Persoas que xeran impacto real, desde o cotián.
Este ano, ademais, celebramos a achega á cultura inclusiva da serie “A coral”, de Tex45 producións.
Na APM cremos que a cultura pode abrir camiños, derrubar etiquetas e achegarnos.
✨ Se te moves neses valores, convidámosche a seguirnos e facer rede.
#BoasPrácticasCidadás2025
“Un camiño que é duro pero tamén profundamente gratificante”. Fina Arcas, polo seu activismo pola inclusión e os valores das persoas.
“É unha necesidade ser sociable; é unha necesidade ser xeneroso”. Irmáns Vaamonte, Pitusa e Chemi, por unha vida de dedicación e cariño ás persoas.
“Esas cousas pequenas, o que facemos cada día, si que conta, e iso pode facer que a nosa contorna máis próxima sexa algo mellor”. David Hermida Fernández, pola súa pura implicación mais alá do profesional.
“A xente que me rodea a min, toda fai cousas polos demais, senón non estarían ao meu lado”. Fernanda Pérez, activista tecedora de complicidades e redes.
“O que realmente transforma non é só o que facemos, senón como o facemos”. Laura Presedo, pola mirada inclusiva e a xenerosidade persoal.
“Non vale con ver as cousas e quedarse parado, senón que según as vexas e según a tua conciencia, tes que actuar”. Concha Sánchez, polo activismo implicado: do local ao global.
Artigos relacionados
Estes son algúns artigos relacionados cos proxectos audiovisuais da Asociación Proxecto Máscaras:
E xa no 2026 brindamos por algo sinxelo
✨ Persoas que suman e culturas que nos achegan Se ademais podemos facelo con humor… mellor aínda 😉 🥂 Por unha cultura sen etiquetas, máis aberta, máis humana e máis compartida. #HumorConValores #ImpactoSocial ✨ 2026: máis cultura, máis inclusión, máis vida compartida Con desexos e feitos, porque este ano novo que non só estréase calendario: estréanse […]
Continúa lendo
“Educarse coa esperanza de permanecer libres e independentes”
Segundo relata Irene Vallejo en El infinito en un junco, debemos a Alejandro Magno a aparición da vertixe e os terrores da globalización nunha multitude de pequenas nacións gregas que, ata entón, enorgullecíanse da súa propia política e a súa propia cultura. Por iso, para defender a súa liberdade, eran tan frecuentes os roces e […]
Continúa lendo
As Boas Prácticas 2025 ao escenario :-)
Xa queda menos para a cita anual que sempre nos sorprende… e nos carga as pilas para todo o ano. O xoves 18 de setembro, no salón de actos da ONCE da Coruña, teremos a sorte de compartir a mirada das seis persoas premiadas de 2024 que nos presentarán cada unha, a súa persoa elixida […]
Continúa lendo