Boas Prácticas 2023: a entrega
3 Outubro 2023
O pasado 21 de setembro entregáronse os VII premios ás Boas Prácticas Cidadás no salón de actos da ONCE. E dicimos “entregáronse” e non “entregamos” porque, como xa se sabe, estes galardóns van de persoas premiadas a premiantes… Case sempre 😉
Por segundo ano, e con moita algarabía e celebración, contamos coa xornalista Noela Bao para conducir o acto, cousa que unha vez serviu para dotalo da solemnidade que este recoñecemento da participación implica. Ou dito doutro xeito, para poñer orde, e deste xeito fixo a introdución ao mesmo:
Nas próximas semanas iremos compartindo o resto de vídeos das entregas, pero nesta hoxe queriamos incluír tamén a pequena homenaxe que tivemos con Ángeles de la Iglesia, persoeira desta cidade, da provincia, e probablemente do mundo mundial, e que faleceu o pasado 25 de xuño.
Querida e activa participante na contorna da APM, tivo papeis protagonistas fronte a cámara en diversas ocasións, pero tamén tras ela como activista do afecto e do respecto.
Son moitos os materiais e as lembranzas que nos deixa dentro da actividade da Asociación, pero fixemos un exercicio de contención e preparamos este pequeno vídeo para despedila como merecía: en pantalla grande 🙂
Mentres seguimos coas publicacións, deixámosvos a galería fotográfica deste ano, na que participou Aarón García Rey por parte de Aspronaga (Manolo Penido este ano non puido por estas cousas da saúde), así como as notas de prensa informativas:
Documentos para descarga
Red de personas premiadas en estos 7 años
Artigos relacionados
Estes son algúns artigos relacionados cos proxectos audiovisuais da Asociación Proxecto Máscaras:
De limóns e limonadas: Que pase 2024!
Diríase que os socios/protas de Estártap despediron o 2023 con algúns limóns, pero preguntámonos que lles anda na cabeza… 😉 Comparte!
Continúa lendo
Sabes debuxar unha árbore?
Incluso quen non recibimos o don para debuxar, somos capaces de trazar algunhas liñas que permitan identificar unha árbore. E, á vista dos resultados, dubido que a ninguén se lle ocorrera preguntar: todas son árbores? Uns gustarannos máis, outros menos. Algúns veranse mellor e outros quedaran camuflados polo contexto. Influirán as modas, as culturas, as […]
Continúa lendo
A cultura convirte a unha multitude nunha audiencia
TrasTornados é o título dun documental de creación, realizado co apoio da Deputación da Coruña. Un título polisémico que pódese referir: … á xente que se atopa tras un trastorno; … ou directamente aos trastornos, … ou quizais unha referencia aos cazadores de tormentas que perseguen accidentes climáticos para tratar de avanzar no seu coñecemento. […]
Continúa lendo